சிறுகதைகளில் கலைஞரின் ஆளுமை

ஆய்வுச் சுருக்கம்
கலைஞரின் இலக்கியப் பணிகளில் பெரிதாக ஆராயப்படாத துறையாக அவரது சிறுகதைகள் அமைந்துள்ளன. இச்சிறுகதைகள் வெறும் கற்பனைக் கதைகளாக இல்லாமல், திராவிட இயக்கக் கருத்தியலை மக்களிடம் எளிய வடிவில் எடுத்துச் செல்லும் சிந்தனைச் சாதனங்களாக விளங்குகின்றன. சாதி ஒழிப்பு, சமத்துவம், பெண்முன்னேற்றம், மூடநம்பிக்கை எதிர்ப்பு, மொழிப்பற்று, சமூக மறுமலர்ச்சி போன்ற கருப்பொருள்கள் அவரது சிறுகதைகளில் ஆழமாகப் பிரதிபலிக்கின்றன. மேலும், பொதுமக்களின் அன்றாட வாழ்க்கைப் பிரச்சினைகளை அரசியல் மற்றும் சமூகப் பார்வையோடு அணுகும் திறன் அவரது சிறுகதை உலகிற்கு தனித்துவச் செறிவை அளிக்கிறது.
இதனால், கலைஞரின் சிறுகதைகள் இலக்கிய இன்பத்தை அளிப்பதோடு மட்டுமல்லாமல், சமூக விழிப்புணர்வையும் அரசியல் சிந்தனையையும் உருவாக்கும் வல்லமை பெற்றுள்ளன என்பதை இவ்வாய்வு எடுத்துரைக்கிறது. அவரது சிறுகதைப் படைப்புகள் தமிழ்ச் சமூக மாற்ற வரலாற்றில் முக்கியமான இலக்கிய ஆவணங்களாகக் கருதப்பட வேண்டியவை என்பதையும் இவ்வாய்வு வலியுறுத்துகிறது.